АҚПАНДА! Нұрдос пен Елшат жекпе-жек өткізетін болды
Ringkz.com порталына қазіргі кезде табысты өнер көрсетіп, болашағынан зор үміт күттіретін жас қазақстандық кәсіпқой боксшылардың кезекті жекпе-жектері туралы ақпарат мәлім болды. Олардың бірі Нұрдос Төлебай Тайландта кездесу өткізсе, Елшат Нығметолла титулдық жекпе-жекке шығады.
Нұрдос Төлебай
Нұрдос Төлебай бар жоғы 24 жасқа толды. Ол 63,5 келіге дейін бірінші жартылай орта салмақта өнер көрсетеді. Кәсіби рингте 13 жекпе-жек өткізіп, барлығында жеңіске жетті. Сондай-ақ 9 кедесуді мерзімінен бұрын аяқтағанын да айта кетейік.
BoxRec кәсіби бокс туралы ең беделді статистикалық интернет-ресурстың нұсқасы бойынша 25 жасқа дейінгі қазақстандық боксшылардың арасында үздік 5 спортшының қатарына кіреді. Осы тұста қазақстандық боксшылар арасындағы жасы мен салмағына қарамайтын BoxRec-тің жалпы рейтингінде Нұрдос 12-ші орынға көтерілді.
Боксшы және Irfin Promotions
Нұрдостың шетелде барынша дамып, ілгері жылжуымен отандық Irfin Promotions промоутерлік компаниясы айналысып жүр.
Осы тұста айта кетейік, боксшы мен компания арасындағы ынтымақтастық биылғы жылы 8 маусымда Шымкентте Irfin Promotions ұйымдастырған бокс кешінде өнер көрсетуден басталды. Сол кезде Төлебайдың жеңісі жарқын әрі әсерлі болды. Ол екінші раундта Таиландтан келген Анусон Тонглуангты (21-5-1, 16 КО) нокаутқа жіберген еді.
Ал 21 қыркүйекте Алматыда өткен irfin Pomotions бокс кешінде қазақстандық өзбекстандық Ұлықбек Каюмбоевті (6-1, 5 КО) жеңген еді. Нұрдос туралы мына материалдан толық оқуға болады.
Жекпе-жек және қарсылас
Төлебай өзінің кәсіби мансабындағы 14-ші жекпе-жегін 2025 жылдың 1 ақпанында Таиланд астанасы Бангкокта өтетін бокс кешінде өткізетін болды. Айта кетейік, бұл боксшының Қазақстаннан тыс жерлерде өткізетін алғашқы жекпе-жегі болмақ.
Биыл Қазақстанда өткізген екі жарқын жеңісінен кейін ол шетелде алғаш рет өнер көрсетуі керек. BoxRec порталында 2025 жылдың 1 ақпанында Бангкокта ұйымдастыралатын бокс кеші туралы әлі ресми ақпарат жоқ.
Алайда бізге белгілі болғандай, оның келесі қарсыласы жекпе-жекке келісімшартқа қол қойды. Бір айта кетерлігі, бұл боксшы алдыңғы кездесуде IBF нұсқасы бойынша әлем чемпионы атағына бұрын міндетті үміткер болған спортшыны 1-раундта нокаутқа жіберіп, сенсациялық жеңіске жеткен болатын.
Алдағы күндері Ringkz.com порталы 2025 жылдың 1 ақпанында Бангкокта Нұрдос Төлебаймен кездесетін боксшы туралы толығырақ ақпарат ұсынады.
WBA Asia жасаған ресми "рұқсат"
Қазақстандық Елшат Нығметолла (20-0-1, 7 КО) WBА Asia нұсқасы бойынша жеңіл, яғни 53,5 келіге дейінгі салмақта титул үшін жекпе-жек өткізеді. Боксшынымен айналысып жүрген қазақстандық Irfin Promotions промоутерлік компаниясы осыған байланысты ресми мақұлдау алды.
Қазірдің өзінде – WBA Asia атауына сүйене отырып, бұл ұйым Дүниежүзілік бокс қауымдастығының - WBA аймақтық серіктесі екені түсінікті. Қазіргі уақытта WBA Asia чемпиондық атағының иегерлері қатарында 10 мемлекеттің өкілдері бар: Ресей – 4; Филиппин – 3; Таиланд пен Өзбекстан – 2;Словакия, Біріккен Араб Әмірліктері, Армения, Тәжікстан, Қазақстан және қытай – 1.
Чемпиондардың бұл тізімінде Қазақстан атынан Руслан Мәдиев (16-2, 6 КО) бар екенін жақсы білесіздер. Ол WBA Asia жартылай орта салмақтағы титулын (66,7 келіге дейін) биыл 21 қыркүйекте Алматыда жеңіп алған еді. Ол 10 раундтың қорытындысы бойынша ресейлік Тигран Согоянды (7-1-1, 4 КО) төрешілердің бірауыздан қабылдаған шешімімен тізе бүктірді. Есеп – 98:92, 99:92, 100:90.
Келешек кездесу
53,5 келіге дейінгі салмақ дәрежесінде WBA Asia чемпиондық белбеуі қазір бос. Оның бұрынғы иегері таиландтық Юттапонг Тонгди (15-0, 9 КО) үміткер ретінде 24 желтоқсанда Токиода WBА әлем чемпионы жапондық Йошики Такеймен (10-0, 8 КО) жекпе-жек өткізуі керек еді, бірақ биылғы бокс кеші негізгі жекпе-жекке қатысушылардың бірінің жарақатына байланысты болмайды.
Қазақстандық Елшат Нығметолла қазіргі уақытта WBA Asia-ның жеңіл салмақтағы (53,5 келіге дейін) үміткерлер рейтингінде 2-орында тұр. Оның осы нұсқа бойынша чемпиондық белбеу үшін жекпе-жегі 2025 жылдың 1 ақпанында Тайландта өтетін бокс кешінде өтеді деп жоспарланған. Жалпы Елшат жайында және оның болашағына байланысты біздің сұхбатымызды мына жерден оқуға болады.
