СЫНАҚ әлде ТАРТЫС: Нұрдос Төлебайдың алғашқы шетелдік жекпек-жегі қалай өтті?
Нұрдос Төлебайдың Бангкоктағы жекпе-жегі осы қазақстандық боксшының алдыңғы жекпе-жегінен айтарлықтай ерекше өтті. Дәлірек айтқанда, кездесу әдеттегідей басталып, бірақ соңғы жағы...
Алғашқы сапар
Нұрдос Төлебайдың (14-0, 10 КО) соңғы үш жекпе-жегі өзіміздің көз алдымызда өтті десе болады. Былтыр Шымкент пен Алматыда, ал биыл Бангкокта. Сондықтан салыстыруға негіз бар.
1 ақпанда Таиланд астанасында өткен бокс кешіне төрт қазақстандық боксшы қатысты. Солардың бірі – 24 жастағы Нұрдос Төлебай. Ол бірінші жартылай орта салмақта (63,5 кг дейін) өнер көрсетеді. Бұл – оның кәсіби рингтегі 14-ші жекпе-жегі, бірақ шетелдегі алғашқысы. Бұған дейінгі барлық кездесулері Қазақстанда өткен болатын.
Теңселген тартыс
Бангкокта Төлебайға қарсылас ретінде 23 жастағы ирандық Амирхоссейн Арзи (2-1, 2 КО) шықты. Жекпе-жек жоспарланған 8 раундтың толық мерзіміне созылып, Төлебайдың жеңісімен аяқталды.
Дегенмен кездесу басында рингтегі оқиғалар біз күтпегендей өрбіді. Бастапқыда ешкім де жекпе-жектің мұншалықты тартысты әрі әсерлі аяқталатынын болжай алмаған еді.
Әдеттегі бастама
Нұрдос жекпе-жекті әдеттегі шабуылдай отырып қысым жасау стилінде бастады. Бұған дейін Шымкентте де, Алматыда да солай болған. Қазақстандық боксшы қарсыласын үнемі қорғануға, шегінуге мәжбүрлеп, соққылар саны бойынша айқын басымдық танытты.
Алайда 2-раундтың соңына қарай Арзи қарымта қайтаруға тырысып, тіпті бір сәтте қарсыласын арқанға тақап та қойды.
Қарқын ала түсті
Ал 3-раундтың басында ирандық боксшы басымдықты өз қолына алуға ұмтылды, бірақ Төлебай бұл әрекетті сенімді түрде тоқтатты. Кейде жекпе-жек ашық айқасқа ұласып, екі боксшы да соққы алмасудан қашпады. Бұл тартысты одан сайын қыздыра түсті.
Сонымен 5-раундта Нұрдос, айтқандай-ақ, нағыз қарқынға мінді. Оның басымдығы еш күмән тудырмады. Ирандық боксшы соққыларға жауап қайтаруға қауқарсыз болып, тек қорғанумен шектелді. Бірақ үзіліске дейін өзіне келіп, тіпті шабуылдауға әрекет жасады.
Күш қайдан пайда болды?
Жекпе-жектің ары қарай басқа сценарий бойынша өрбуі ешкім күтпеген жағдай болды. Айтқандай-ақ, Арзидің «бензині» баршылық екен. Ол 6-раундта рингтің ортасын иемденіп, қысым жасай бастады, бірақ асығыс соққы жұмсамады. Мүмкін бастаманы қарсыласқа бермеу керек пе еді? Дегенмен Нұрдос бірнеше рет қарымта шабуылда сәтті соққылар жасады.
Бұл ирандықты еш тоқтатпады! Сөйтіп 7-раундта ол жекпе-жек қарқынын одан әрі үдетті. Арзидің шабуылдары күшейген сайын, қазақстандық боксшы арқанға тақалып қалды. Күрес жақын қашықтықта жалғасты. Осы сәтте Нұрдостың қарсыласының корпусына дәл тиген бірнеше ауыр соққысы есте қалды. Сәл кейінірек ол екі рет дәл иекке соққы жасады.
Қайнаған финал
Бірақ бұл да ирандықты тоқтата алмады! Ол жекпе-жекке қайта ұмтылып, шешуші сәтті асыға күтті. Соңғы 8-раунд басталмай жатып-ақ, Амирхоссейн орнынан атып тұрып, тағатсыздана тұрып алды.
Рефери команда бергенде, ол Толебайға бірден лап қойды. Нұрдос үшін бұл оңай раунд болмады. Ирандық рингте шалт қимылдап, қарсыласын арқанға тақай берді. Арзи тоқтаусыз шабуылдап, жеңіліп жатқанын түсініп, тек нокауттың көмектесе алатынын білді. Шынын айту керек, оның бұл қайсарлығы барлығын қатты алаңдатты. Эмоция мен толқу тұрғысынан – бұл нағыз шайқас болды!
