Анам мұғалім болғандықтан мектепте сабағымды қалағалап отыратын - Нұрдос Төлебай

Irfin Promotions компаниясының боксшысы Нұрдос Төлебай мектепте қалай оқығанын, боксты қалай бастағанын айтты.

Мен 6-сыныпқа дейін ауылда оқыдым. Анам мұғалім болатын, сабағымды барынша қадағалайтын еді. Барлығын тексеріп, күнделігімді қарап отыратын. Алайда кейін 7-сыныптан бастап спорт мектебінде оқу үлгерімім төмендеп, 9-сыныпқа қарай тіпті, нашарлап кетті. Сабақтан 2 мен 3 деген баға алатын болдым. Себебі бар назарым спортта болды, жаттығуға көп көңіл бөлдім. Содан болар аз-кем нәтиже көрсетіп, жетістікке жете бастадым. Уақыт өте келе ата-анама да осыны айттым, олар да мені түсінді. Ағылшын тілін бастапқы деңгейде білемін, бірақ шетел асып жатсақ, әрине, жақсартамыз. Дегенмен көп адамнан естігенім, тіл үйренуде бастысы тәжірибе, барынша көп сөйлесу, сондай ағылшын ортада жүру, - дейді боксшы.

Айта кетейік, жақында Irfin Promotions промоутерлік компаниясы Алматыда ұйымдастырған халықаралық кәсіпқой бокс кешінде Нұрдос Төлебай Main card-ты ашып берген еді. Сол кеште түркістандық саңлақ бірде-бір рет жеңілістің кермек дәмін татпаған өзбекстандық боксшы Ұлықбек Қайымбоевты жеңген болатын.

Сондай-ақ Нұрдос Төлебай ringkz.com порталына арнайы сұхбат берген еді.