ТАИЛАНДТА ӨТЕТІН ШОУ: Барлық қазақстандық боксшылардың қарсыластары анықталды
WBA Asia бокс қауымдастығының ресми сайтында қазақстандық Руслан Мәдиев пен Елшат Нығметтоланың чемпиондық жекпе-жектері туралы ақпарат жарияланды. Осылайша 1 ақпанда Бангкокта (Таиландта) өткен бокс кешінде өнер көрсететін барлық қазақстандық боксшының қарсыласы анықталды. Осыған орай Ringkz.com порталы бокс кешінде өнер көрсететін қазақстандық боксшылар мен олардың қарсыластары туралы ақпарат ұсынуды жөн көрді.
Бангкоктағы бокс кеші
Болашақ бокс кешінде төрт қазақстандық боксшы өнер көрсетеді және екі спортшымыз титул үшін бақ сынайды. Руслан Мәдиевке өзінің WBA Asia нұсқасы бойынша чемпиондық белбеуін алғаш рет қорғайды. Ал Елшат Нығметолла ең жеңіл салмақ дәрежесі бойынша қазіргі уақытта бос тұрған WBA Asia атағы үшін сынға түседі.
Сонымен шаршы алаңда кездесетін жұптар:
66,7 келіге дейін. Руслан Мәдиев (16-2, 6 КО) – Фикири Салум Мұхаммед (12-1-1, 11 КО), Танзания.
53,3 келіге дейін. Елшат Нығметолла – Фласидус Нуно (10-1-2, 8 КО), Индонезия.
63,5 келіге дейін. Нұрдос Төлебай – Амирхоссейн Арзи (2-0, 2 КО), Иран.
72,6 келіге дейін. Армат Арманұлы – Хаб Ур Рехман (6-1, 5 КО), Пәкістан.
Қорғанатын кез келді
Белгілі қазақстандық кәсіпқой боксшы Руслан Мәдиев (16-2, 6 КО) Алматыда өткен бокс кешінде 66,7 келіге дейінгі салмақ дәрежесінде жеңіп алған WBA Asia титулын алғаш рет қорғамақ. Айта кетейік, 21 қыркүйкете ол 10 раундтың қорытындысы бойынша ресейлік Тигран Согояннан (7-1-1, 4 КО) төрешілердің бірауыздан қабылдаған шешімімен сенімді жеңіске жеткен еді.
Енді қазақстандықтың қарсыласы Фикири Салум Мұхаммед (12-1-1, 11 КО) болады. Фикири қазір 26 жаста, солақай және Танзанияның кәсіпқойлар арасындағы чемпионы. BoxRec нұсқасы бойынша салмақ дәрежесіне қарамастан Танзанияның ең мықты 10 боксшысының қатарына кіріп, қазір 9-орын тұр.
Бұл елдің өкілдері қазір BoxRec рейтингтеріндегі салмақ категорияларында айтарлықтай маңызды рөлдерде тұр, сондықтан Танзания боксшыларын мүлдем менсінбеуге болмайды.
Бір қызығы, WBO атағы үшін жекпе-жектен кейін Фикири Салум Мохамед 4 жекпе-жек өткізді. Оның үшеуі 2024 жылы өтіп Фикиридің жеңісімен аяталды. Ол барлығында техникалық нокаутпен және бірінші раундта жеңіске жеткенін ерекше ескеруге болады.
Чемпион болуға бір қадам
Руслан Мәдиев сияқты Елшат Нығметолла да WBA Asia чемпионы атануға мүмкіндік алды. Оның қарсыласы - индонезиялық Фласидус Нуно (10-1-2, 8 КО). Нуно 28 жаста. Қолда бар ақпаратқа сәйкес, ол әуесқой рингте өнер көрсетіп, Индонезия чемпионы атанған және екі жылда бір рет өткізілетін Оңтүстік-Шығыс Азия ойындарында күміс медаль жеңіп алған.
Кәсіби рингте Фласидус 2017 жылдың желтоқсанынан бастап өнер көрсетеді және өзінің дебюттік кездесуінде алғаш және соңғы рет жеңіліске ұшырады. Қазір боксшының есебінде 13 жекпе-жек болса, оның 10-ы жеңіспен аяқталған. Жеңістің 8-і нокаутпен аяқталса, екі кездесуде тең түсіп, бір рет жеңілген.
Нуно ең табысты Индонезиялық кәсіпқой боксшылардың қатарына кіреді және ең беделді статистикалық ресурс BoxRec бойынша салмақ санаттарына қарамастан өз еліндегі үздік 10 боксшының ішінде 6-шы орында тұр. 2021 жылы Фласидус Индонезия чемпионы атағын жеңіп алып, 2022 жылы WBC Asian Silver чемпиондық белбеуінің иегері атанады.
Тартысты текетірес
Тағы бір талантты жерлесіміз Нұрдос Төлебай Таиланд жерінде ирандық Әмірхоссейн Арзимен бірінші жартылай орта салмақта (63,5 келіге дейін) жекпе-жек өткізетін болды.
Бұл екі боксшы құрдас деуге болады. Төлебай 24 жасқа енді толды, ал Арзи 23-те. Дегенмен қазақстандықты боксшы әлдеқайда тәжірибелі деуге болады. Себебі ол 13 жекпе-жек өткізіп, барлығында жеңіске жеткен. Ал 10-ы мерзімінен бұрын аяқталған. Ал Арзи әзірге тек 2 жекпе-жек өткізген, бірақ екеуі де нокаутпен жеңіске жеткен.
Әуесқойлық мансабында Әмірхоссейн жастар арасында Иран чемпионы атанып, ересектер арасында ел чемпионының күміс жүлдесін иеленіп үлгерген. Сондай-ақ ол Төлебайдан 7 сантиметр жоғары екенін де айта кетейік, себебі бұл бокста өте маңызды. Ал BoxRec нұсқасы бойынша Иранның үздік кәсіпқой боксшыларының рейтингінде ол қазірдің өзінде үздік үштіктің қатарында тұр.
Арманға апарар жол
Кәсіпқой рингтегі үшінші жекпе-жек үшін орта салмақтағы (72,6 келіге дейін) қазақстандық 21 жастағы Арманұлы Арманұлына (1-1) дәстүр бойынша жасы да үлкен, тәжірибесі де мол қарсылас таңдалды деп айтуға болады. Осы жолы Irfin Promotions промоутерлік компаниясы оған Қазақстаннан тыс жерде өзін танытуға мүмкіндік береді, десе де Армат үшін бұл кәсіби рингтегі үшінші жекпе-жек болады.
Хабиб Ур Рехман кәсіби боксқа қатысты BoxRec туралы беделді статистикалық порталдың рейтингіне сәйкес Пәкістанның ең мықты боксшыларының қатарына кіреді. Алайда Армат Арманұлының алдыңғы жекпе-жегі көрсеткендей, оның жас айырмашылығы да, қарсыластары бұрын өткізген жекпе-жектер саны да оны еш тұсамайды.
Хабиб кәсіпқой мансабында бір-ақ рет жеңілген, яғни 2022 жылы Әзербайжан астанасы Бакуде жергілікті боксшы Фуад Тарвердиге (9-3, 7 КО) есе жіберген болатын. Алайда ол жеңіліс өте күмәнды болған еді. Себебі төрешілердің барлығы әзербайжандық болды және шешімді бірауыздан шығармады.
Бірлескен шоу
Ең маңызды жаңалық - Irfin Promotions компаниясы 1 ақпанда Бангкокта өтетін бокс кешін таиландтық TL Boxing Promotion компаниясымен бірге ұйымдастырады. Екі промоутерлік компания арасындағы ынтымақтастық туралы келісімге 2024 жылдың желтоқсанында қол қойылды.
Сондай-ақ қазақстандық боксшылардың кандидатураларын шетелде одан әрі ілгерілету үшін Irfin Promotions маусым айында Шымкентте және қыркүйекте Алматыда өткен жекпе-жектен кейін іріктеп алғанын атап өткен жөн. Сонымен қатар Нығметолла, Төлебай және Арманұлы осы екі бокс кешінде де өнер көрсетті.
Мәдиев Алматыдағы бокс кешіне қатысып, жартылай орта салмақтағы WBA Asia чемпионды атанды. Ол 10 раунд қорытындысы бойынша ресейлік Тигран Согояннан (7-1-1, 4 КО) төрешілерінің бірауыздан қабылдаған шешімімен жеңіске жетті.
Енді дәл осындай атақты жеңіл салмақта Елшат Нығметолла да жеңіп алуға мүмкіндік алды.
