26 шілде күні таңертең бокс жанкүйерлерін қызықты жекпе-жек күтіп тұр. Сиднейде бірінші орта салмақтағы бұрынғы әлем чемпионы Tim Tszyu (27-3-0, 18 KO) мен жартылай орта салмақтағы бұрынғы біріккен әлем чемпионы Errol Spence Jr. (28-1-0, 22 KO) кездеседі.
Бокс кеші Сиднейдегі Afterpay Arena спорт кешенінде өтеді. Негізгі кардтың тікелей көрсетілімі Астана уақытымен сағат 06:00-де басталады. Цзю мен Спенстің рингке шығуы шамамен 08:30–09:00 аралығына жоспарланған. Алайда нақты уақыт андеркардтағы жекпе-жектердің ұзақтығына байланысты өзгеруі мүмкін.
Турнирді DAZN стримингтік платформасынан LIVE форматында көруге болады. Трансляция DAZN PPV жүйесі арқылы көрсетіледі. Оны көру үшін ақылы қолжетімділік, ал кейбір аймақтарда қолданыстағы жазылыммен қатар турнирді бөлек сатып алу қажет болуы мүмкін.
Бұл кездесу екі боксшы үшін де өте маңызды. Tim Tszyu (27-3-0, 18 KO) мансабындағы сәтсіз кезеңнен кейін чемпиондық белбеулерге үміткерлер қатарына қайта оралуды көздейді. Австралиялық боксшы өз жанкүйерлерінің алдында жұдырықтасады, алайда оған қарсы өз буынындағы ең мықты жартылай орта салмақ өкілдерінің бірі шығады.
Errol Spence Jr. (28-1-0, 22 KO) үш жылға жуық үзілістен кейін рингке оралмақ. Америкалық боксшы соңғы жекпе-жегін 2023 жылдың шілдесінде өткізіп, Теренс Кроуфордтан мерзімінен бұрын жеңілген еді. Енді Спенс өзін жоғарырақ салмақта сынап көреді. Он екі раундқа жоспарланған кездесу 158 фунтқа дейінгі аралық салмақта өтеді. Бұл шамамен 71,7 келіге тең.
Жеңіске жеткен боксшы әлем чемпионы атағы үшін жекпе-жекке тағы бір қадам жақындайды. Ал жеңіліс олардың әрі қарайғы мансабына айтарлықтай кері әсер етуі мүмкін.
Негізгі кард:
- Errol Spence Jr. (28-1-0, 22 KO) — Tim Tszyu (27-3-0, 18 KO);
- Stephen Fulton Jr. (23-2-0, 8 KO) — Liam Wilson (18-3-0, 11 KO);
- Callum Peters (7-0-0, 6 KO) — Ivan Ricardo Actis (13-0-1, 12 KO);
- Paul Fleming (28-1-2, 18 KO) — Ahmad Reda (8-0-0, 4 KO);
- Paulo Aokuso (10-0-0, 5 KO) — Luis Antonio Tejeda (12-0-1, 9 KO).
Негізгі кард 26 шілде күні Астана уақытымен сағат 06:00-де басталады. Басты жекпе-жектің болжамды басталу уақыты — 08:30–09:00 аралығы.
