Rolando Romero мен Teofimo Lopez Лас-Вегаста өтетін бокс кешінің басты жекпе-жегі алдында ресми салмақ өлшеу рәсімінен өтті. Екі боксшы да жартылай орта салмақтың белгіленген лимитіне сай келді.
WBA тұжырымы бойынша қазіргі әлем чемпионы Ромеро таразыда 66,4 келі көрсетті. Ал Лопестің салмағы сәл ауырлау — 66,6 келі болды. Осылайша, екі боксшы да жартылай орта салмақтағы WBA титулы сарапқа салынатын жекпе-жекке толық дайын.
Ромеро чемпиондық белбеуін алғаш рет қорғайды. 2025 жылдың мамырында ол Ryan Garcia-ны сенсациялық түрде жеңіп, WBA титулына ие болды. Кейін Jaron Ennis салмақ дәрежесін ауыстырған соң, Ромеро толыққанды әлем чемпионы атанды.
Лопес болса, Shakur Stevenson-нан жеңілгеннен кейін жартылай орта салмаққа көтерілді. Ол үшінші салмақ дәрежесінде әлем чемпионы атануға талпынады.
Жекпе-жек Астана уақытымен 23 тамыз күні таңертең өтеді. Тікелей көрсетілім DAZN платформасында қолжетімді болады. Басты жекпе-жек шамамен Астана уақытымен сағат 05:00-де басталады.
