Нығметолла – БІРІНШІ, Мәдиев – ЕКІНШІ, Төлебай мен Арманұлы – ҮШІНШІ орында

2025 ж. 11 ақпан

Бангкоктағы бокс кешіне бірден төрт қазақстандық боксшының қатысуы олардың өнерін әртүрлі қырынан бағалауға мүмкіндік берді. Бұл жолы BoxRec рейтингісіндегі қазақстандық боксшылардың салмақ дәрежелері бойынша көрсеткіштеріне назар аударайық.

Алдымен 1 ақпанда Бангкоктағы бокс кешінде қазақстандық боксшылар қалай өнер көрсетті, соны еске түсірейік.

Сан мен деректер

Орта салмақта (72,6 кг дейін) Армат Арманұлы (2-1, 1 КО) екінші раундта пәкістандық Хабиб Ур Рехманды (6-2, 5 КО) нокаутпен жеңді.

Бірінші жартылай орта салмақта (63,5 кг дейін) Нұрдос Төлебай (14-0, 10 КО) 8 раундтық жекпе-жекте ирандық Амирхоссейн Арзиді (2-1, 2 КО) төрешілердің бірауыздан шығарған шешімімен жеңді. Есеп - 79:73, 79:73, 79:73.

Жеңіл салмақта (53,5 кг дейін) Елшат Нығметолла (21-0-1, 8 КО) WBA Asia белбеуін иеленді. Ол төртінші раундта индонезиялық Фласидус Нуноны (10-2-2, 8 КО) нокаутқа түсірді.

Жартылай орта салмақта (66,7 кг дейін) Руслан Мәдиев (17-2, 6 КО) 10 раундтық айқаста WBA Asia титулын филиппиндік Али Канегиге (11-2-1, 7 КО) қарсы сәтті қорғап қалды. Есеп - 96:93; 96:93; 98:91.

Рейтинг қалай өзгерді

BoxRec-тің жалпы қазақстандық рейтингінде:

Руслан Мәдиев – 8-орында,

Елшат Нығметолла – 9-орында,

Нұрдос Төлебай – 13-орында,

Армат Арманұлы (21 жас) – 30-орында.

Ал рейтингті салмақ дәрежелері бойынша қарастыратын болсақ, жағдай келесідей болады.

Жеңіл салмақта (53,5 кг дейін) 31 жастағы Елшат Нығметолла – сөзсіз көшбасшы.

Жартылай орта салмақта (66,7 кг дейін) 32 жастағы Руслан Мәдиев – 2-орында. Бірінші орында Данияр Елеусінов (12-0, 7 КО).

Бірінші жартылай орта салмақта (63,5 кг дейін) 24 жастағы Нұрдос Төлебай – 3-орында. Бұл салмақта көшбасшы – Батыржан Жүкембаев (23-1, 17 КО), 2-орында Сергей Липинец (18-4-1, 13 КО).

Орта салмақта (72,6 кг дейін) көшбасшы – IBF және WBO чемпионы Жәнібек Әлімханұлы (16-0, 11 КО), 2-орында Сапарбай Айдаров (8-0, 2 КО), 3-орында Армат Арманұлы.

BoxRec рейтингінде белгілі қазақстандық боксшы Мейірім Нұрсұлтанов (20-0, 11 КО) жоқ, себебі ол соңғы бір жылда жекпе-жек өткізген жоқ. Осы орайда бар болғаны 3 жекпе-жек өткізіп, 21 жасында жоғары орынға көтерілген Армат Арманұлының болашағы зор екенін көрсетеді.