Қазақстан WBA Asia конвенциясына қатысып жатыр
RingKZ порталына қазақстандық Irfin Promotions промоутерлік компаниясының бас директоры Бағдәулет Төрехановтың WBA Asia конвенциясына қатысқаны туралы толыққанды ақпарат белгілі болды.
Вьетнамның ең ірі мегаполисі Хошимин қаласында 9-11 тамыз аралығында WBA Asia конвенциясы ұйымдастырылды. Оған қазақстандық Irfin Promotions промоутерлік компаниясының бас директоры Бағдәулет Төреханов та қатысып жатыр. Бұл сапар аясында тек WBA Asia-мен ғана емес, сонымен қатар WBA-ның өзі, яғни Дүниежүзілік бокс қауымдастығымен әріптестік орнату мәселесі жан-жақты талқыланбақ.
Бұған дейін, нақты айтқанда шілде айында Irfin Promotions компаниясы 21 қыркүйекте Алматыда өткен бокс кеші аясында жартылай орта салмақта WBA Аѕіа чемпионы атағы үшін жекпе-жекті өткізуге ресми түрде "рұқсат" алған еді. Алматыдағы бокс кешінде белбеудің қазіргі иегері тайландтық Киттисак Клинсон (8-1, 5 КО) мен белгілі қазақстандық кәсіпқой боксшы Руслан Мадиев (15-2, 6 КО) арасында жекпе-жек өтетінін айта кетейік.
WBA және оның құрлықтық "тармағы" саналатын WBA Asia ұйымымен қарым-қатынас орнату ниеті, сайып келгенде, Азияда да, жалпы әлемде де қазақстандық боксшыларды барынша қолдау деп саналады. Айтпақшы, WBA Asia нұсқасы бойынша чемпиондар арасында қазақстандық спортшылар әлі күнге дейін жоқ. Ал мысалы Өзбекстан, Тәжікстан және Ресей өкілдері бұл атаққа қол жеткізіп үлгерді. Бірақ енді Irfin Promotions күшімен Қазақстан боксшысына 21 қыркүйекте WBA Аѕіа-ның чемпиондық деңгейге шығуға нақты мүмкіндік беріледі.
RingKZ порталы хабарлағандай, 9 тамызда Конвенцияның бірінші күні Бағдәулет Төрехановтың WBA Аѕіа Бас хатшысы Вон Киммен кездесуі өтті. Талқылау барысында тараптар серіктестік қатынастарды одан әрі дамытуға келісіп, бірқатар уағдаластыққа қол жеткізді. Мәселен алдағы айларда Вон Кимнің Қазақстанға сапарына сөз болды.
Әрине, Хошиминдегі Конвенцияның бірінші күніндегі Irfin Promotions бас директорының басқа кездесулерінің арасында WBA президенті Хильберто Мендозамен танысып, кейін диалог орнатқанын да ерекше атап өту керек. Себебі WBA Аѕіа чемпиондық атағынан әлемдік деңгейге шығу керек!
