Zhanibek — Jacob Bank: жаңа салмақтағы алғашқы чемпиондық сынақ
WBO Zhanibek Alimkhanuly мен Jacob Bank-ке екінші орта салмақтағы вакантты титул үшін жекпе-жек өткізу жөнінде келіссөз жүргізуді міндеттеді. Тараптар 7 қазанға дейін келісімге келуі керек. Егер келісім жасалмаса, ұйым промоутерлік сауда тағайындай алады.
Бұл жекпе-жекке әзірге ресми түрде қол қойылған жоқ. Өтетін күні, орны және трансляция жүргізетін платформа белгісіз. Дегенмен бос қалған чемпиондық белбеуді сарапқа салу құқығы дәл осы Alimkhanuly мен Bank-ке берілді.
Жәнібек бұған дейін орта салмақта WBO және IBF титулдарын иеленді. Енді ол өзінің техникасы мен соққы күші ірі қарсыластарға қарсы да тиімді екенін дәлелдеуі керек.
25 жастағы Bank көпшілікке онша танымал емес, бірақ оны оңай қарсылас деуге болмайды. Даниялық боксшы кәсіпқой рингтегі 20 жекпе-жегінің барлығында жеңіске жетіп, оның 11-ін нокаутпен аяқтады. 2026 жылы ол Saul «Canelo» Alvarez-пен жұдырықтасқан бұрынғы әлем чемпионы William Scull-ды мерзімінен бұрын жеңді.
Alimkhanuly үшін бұл жаңа салмақтағы алғашқы чемпиондық мүмкіндік қана емес. Жеңіске жетсе, ол екі салмақ дәрежесінде әлем чемпионы атанған алғашқы қазақстандық боксшы болады. Сонымен қатар оған Canelo — Mbilli және Pacheco — Fulghum кездесулерінің жеңімпаздарымен жекпе-жек өткізуге жол ашылады.
