Жәнібектен қашты ма? Британиялық боксшы Хамза Шираз салмақ ауыстырды

Ұлыбританиялық боксшы Хамза Шираз Жәнібек Әлімханұлы сынға түсіп жүрген салмақта қалмайтын болды. Орта салмақта (72,6 кг) әлем чемпионы Жәнібек Әлімханұлының (IBF және WBO) көлеңкесінде қалып қоймау үшін британдық Хамза Шираз (21-0-1, 17 КО) түбегейлі шешім қабылдады.

Жылдам нокаут – дамуға кедергі

Boxing King Media басылымына берген сұхбатында Шираз "жеңістер жалғасып жатқанда сізде айтарлықтай өзгеріс болмайды" деді.

Өз сөзін нақтылай келе, ол көпшілікті тығырыққа тіреген, бірақ жиі еленбейтін мәселелер туралы айтты:

Егер сіз жекпе-жекті бірінші немесе екінші раундта нокаутпен жеңіп жатсаңыз, өзіңізге шын мәнінде не нәрсені жетілдіру керек екенін түсінбей қаласыз.

Ақпан айындағы жеңіліс – оянуға себеп

Шираздың пікірінше, оны оятқан сәт – ақпанда WBC чемпионы Карлос Адамеспен болған тең нәтижелі жекпе-жек. Көпшіліктің пікірінше, бұл кездесуде Шираз жеңіліс тапқан, бірақ төрешілер оны құтқарып қалды.

Сол кездесуден кейін ол салмақ ауыстыру туралы шешім қабылдады. Енді ол екінші орта салмаққа (76,2 кг) өтеді.

«Уақыт келді. Мен алға жылжуым керек», – дейді Шираз.

Денсаулық – басты байлық

Шираз ауыр салмақты шектен тыс түсіру денсаулығына зиян екенін мойындады.

«Бұл – менің денсаулығым жайлы. Бұл – сылтау емес. Жаңа салмақта өзімді жақсы сезінемін, сау әрі қанағаттанған күйде боламын», – дейді ол.

Жаңа бапкер – жаңа мүмкіндік

Шираздың тағы бір маңызды қадамы – жаттықтырушысын ауыстыру. Ол америкалық Рики Фюнесті тастап, ирландиялық Энди Лимен жұмыс істей бастайды.

Энди Ли – бұрынғы WBO чемпионы, қазіргі таңда Тайсон Фьюри сынды атақты боксшылармен жұмыс істеген беделді бапкер.

«Мен әрқашан Энди Лиді бақылап жүретінмін. Боксшы ретінде де, бапкер ретінде де. Бірақ оның бұрыштағы жұмысы мені қатты таңғалдырды», – деді Шираз.