Джервонта Дэвис – Ламонт Роуч: Әлемді таң қалдыратын жекпе-жектің орнына...

2025 жылдың 2 наурызына қараған түні Нью-Йоркте (АҚШ) өткен PPV-бокс кешінің басты оқиғасы – WBA нұсқасы бойынша жеңіл салмақтағы әлем чемпионы атағы үшін өткен жекпе-жек болды. Бұл кездесуде америкалық боксшылар Джервонта Дэвис (30-0, 28 KO) пен Ламонт Роуч (25-1-1, 10 KO) жұдырықтасты.

Кештің қосымша басты жекпе-жегінде дәл сондай белбеу, бірақ жоғары дивизионда, мексикалық Хосе Валенсуэла (14-2, 9 KO) мен америкалық Гэри Антуанн Расселл (17-1, 17 KO) арасында сарапқа салынды.

Нәтиже:

Джервонта Дэвис (30-0-1, 28 KO) – Ламонт Роуч (25-1-2, 10 KO).

Дэвис сенімсіз өнер көрсетті. Рефери оған көмектесіп, нокдаунды тіркемеді. Судьялар көпшілік шешімімен тең нәтиже жариялады: 115-113 Дэвиске және екі рет 114-114.

Айта кетейік, бұл WBA жеңіл салмақтағы (61,2 кг) әлем чемпионы атағы үшін жекпе-жек еді.

Екі боксшы да әуесқой бокстан шыққан тәжірибелі спортшылар. Екеуі де "Алтын қолғап" турнирлерінің және ұлттық чемпионаттардың жеңімпаздары. Дэвис 2013 жылы кәсіпқойға ауысса, Роуч бір жылдан кейін осы жолды таңдады.

Дэвис алғаш рет 2017 жылы әлем чемпионы атанды – IBF белбеуін Хосе Педрасадан тартып алды. Кейін салмақ қуа алмай титулынан айырылды, бірақ WBA оған келесі жекпе-жегіне дәл уақытында суперчемпиондық белбеу ұсынды.

Кейін бірнеше титулдық қорғаныстан соң, ол 61,2 кг салмақтағы белбеуді Юриоркис Гамбоадан жеңіп алды.

Осы уақытта Роуч та алғаш рет титул үшін таласты, бірақ сәтсіз болды – ол 59 кг WBO чемпионы Джеймел Херрингке қарсы жекпе-жекте жеңіліп қалды.

Дэвис кейіннен атақты Лео Санта Крусты нокаутпен жеңіп, 63,5 кг салмақта WBA Regular белбеуін иеленді. Бірақ ол супержеңіл салмақта қалмай, 61,2 кг-дағы титулын қорғауға көшті. Мұнда ол Исаак Крусты, Роландо Ромероны және Эктор Луис Гарсияны жеңді.

2023 жылы Дэвис келісілген салмақта Райан Гарсиямен үлкен PPV жекпе-жек өткізіп, оны 7-раундта нокаутқа түсірді. Соңғы рет рингке өткен жылы шығып, Фрэнк Мартинге алғашқы жеңілісін сыйлады.

Роуч өз титулын Дэвистен бұрын Эктор Луис Гарсиядан тартып алған болатын. Бұл кездесу Дэвис Гарсияны мерзімінен бұрын жеңгеннен кейін өтті. Қарсыласына төтеп беріп, жеңісті жұлып алған Роуч WBA чемпионы атанды. Кейін бір мәрте белбеуін қорғады.

Ол жеңіл салмақта бұрын-соңды өнер көрсетпеген.

Сондай-ақ "супер бокс кеші" деп аталған оқиғаның өзге де нәтижелеріне тоқталсақ:

Гэри Антуанн Расселл (18-1, 17 KO) – UD 12 – Хосе Валенсуэла (14-3, 9 KO).
Расселл керемет өнер көрсетті! Қарсыласын үнемі қысымға алып, қолының жылдамдығымен таңғалдырды. Судьялар оны басымдықпен жеңімпаз деп таныды: 119-109, 119-109 және 120-108.

(WBA нұсқасы бойынша супержеңіл салмақтағы (63,5 кг) әлем чемпионы атағы үшін жекпе-жек)

Альберто Пуэльо (24-0, 10 KO) – SD 12 – Сандор Мартин (42-4, 15 KO).
Күтпеген жерден тартысты өткен жекпе-жекте судьялардың пікірі екіге бөлінді. Нәтижесінде жеңіс Пуэльоға берілді: 115-113, 113-115 және 116-112.

(WBC нұсқасы бойынша супержеңіл салмақтағы (63,5 кг) әлем чемпионы атағы үшін жекпе-жек)

Йоэнис Тельес (10-0, 7 KO) – UD 12 – Джулиан Уильямс (29-5-1, 17 KO).
Тельес тәжірибелі экс-чемпион Уильямсты өте сенімді жеңді. Судьялар бірауыздан оны жеңімпаз деп таныды: 119-109, 118-110 және 117-111.

(WBA уақытша чемпионы атағы үшін бірінші орта салмақтағы (69,9 кг) жекпе-жек)

Джохан Гонсалес (36-4, 34 KO) – SD 10 – Джарретт Хёрд (25-4-1, 17 KO).
Нокаутшылар айқасында ешкім құлаған жоқ, бірақ Гонсалес бұрынғы әлем чемпионы Хёрдтан басым түсті. Судьялар оны бөлек шешіммен жеңімпаз деп таныды: 96-94, 94-96 және 98-92.

(Орта салмақтағы (72,6 кг) 10 раундтық жекпе-жек)

Кристиан Канджелоси (10-0, 5 KO) – UD 8 – Джаррод Теннант (9-4, 4 KO).
Италиялық проспект кәсіпқой бокстағы оныншы жеңісін судьялардың шешімімен тойлады.

(Бірінші орта салмақтағы (69,9 кг) 8 раундтық жекпе-жек)

Дуайк Флеммингс, мл. (10-0, 9 KO) – UD 6 – Флоран Дервис (10-3, 5 KO).
Флеммингс алғаш рет толық қашықтықты жүріп өтті және Дервисті ұпай санымен жеңді.

(Бірінші орта салмақтағы (69,9 кг) 6 раундтық жекпе-жек)

Дэвид Уитмайер (9-0, 6 KO) – UD 6 – Анхель Муньос (7-1, 5 KO).
Жас америкалық проспектілер арасындағы кездесуде Уитмайер Муньосты 60-54 есебімен бірауыздан жеңді.

(Жартылай орта салмақтағы (66,7 кг) 6 раундтық жекпе-жек)

Дерик Дэвис (6-0, 6 KO) – ТКО 1 – Джамал Джонсон (2-1, 1 KO).
Дэвис бірінші раундта қарсыласын екі рет нокдаунға түсірді. Екінші құлағаннан кейін рефери жекпе-жекті тоқтатты.

(Супержеңіл салмақтағы (63,5 кг) 4 раундтық жекпе-жек)