Белградтағы әлем чемпионатының медальдары
Қарашаның 6-сы күні бокстан әлем чемпионаты аяқталды. Бұл жолы айтулы дода Сербия астанасы Белградта өтті. RingKZ.com қай елдердің былғары қолғап шеберлері топ жарғанын назарларыңызға ұсынады.
Белградтағы әлем чемпионатында тартыс 13 салмақ дәрежесінде өтті. Кіл мықтыларға 13 алтын, 13 күміс және 26 қола медаль бұйырды. Марапаттар 25 елден келген боксшыларға берілді:
| Мемлекет | Алтын | Күміс | Қола | Барлығы |
| 1. Куба | 3 | - | 2 | 5 |
| 2 .Казахстан | 2 | 2 | 1 | 5 |
| 3. США | 2 | 2 | - | 4 |
| 4. Япония | 2 | - | - | 2 |
| 5. Россия | 1 | 2 | 2 | 5 |
| 6 .Азербайджан | 1 | - | 2 | 3 |
| 6. Франция | 1 | - | 2 | 3 |
| 8. Украина | 1 | - | - | 1 |
| 9. Таиланд | - | 1 | 2 | 3 |
| 10. Армения | - | 1 | 1 | 2 |
| 10. Беларусь | - | 1 | 1 | 2 |
| 10. Италия | - | 1 | 1 | 2 |
| 10. Узбекистан | - | 1 | 1 | 2 |
| 14. Бразилия | - | 1 | - | 1 |
| 15. Турция | - | 1 | - | 1 |
| 16. Грузия | - | - | 2 | 2 |
| 17. Албания | - | - | 1 | 1 |
| 17. Бельгия | - | - | 1 | 1 |
| 17. Доминикана | - | - | 1 | 1 |
| 17. Индия | - | - | 1 | 1 |
| 17. Иран | - | - | 1 | 1 |
| 17. Испания | - | - | 1 | 1 |
| 17. Сербия | - | - | 1 | 1 |
| 17. Тринидад и Тобаго | - | - | 1 | 1 |
| 17. Шотландия | - | - | 1 | 1 |
Алтынды тек 8 елдің өкілдері қанжығасына байлады. Кубадан келген спортшылардың арасынан үш әлем чемпионы шықса, Қазақстан, АҚШ және Жапония екі-екіден алтын марапатқа ие болды. Қазақстандықтардың арасында 48 келіге дейін өнер көрсеткен Теміртас Жүсіпов және 51 келіге дейінгі салмақ дәрежесінде шаршы алаңға шыққан Сәкен Бибосынов чемпион атанды.
Финалистерге келетін болсақ, олардың 4-еуі Қазақстан мен АҚШ құрамаларынан шықты. Куба командасының 3 финалистінің барлығы чемпиондық атаққа ие болды. Финалға барлығы 15 мемлекеттің өкілдері шықты.
