Астанадағы бокс кешінің толық карды белгілі болды
5 сәуір күні елордадағы «Барыс Арена» спорт кешенінде отандық және шетелдік әйгілі боксшылардың қатысуымен үлкен кәсіпқой бокс кеші өтетіні белгілі болды. Жекпе-жек кешіне бір апта қалғанда, Nomad Promotions компаниясы сол күні шаршы алаңға шығатын боксшылардың толық кардын жариялады.
Nomad Promotions компаниясы хабарлағандай, бокс кешінің басты жекпе-жегінде орта салмақтағы WBO және IBF нұсқалары бойынша әлем чемпионы Жәнібек Әлімханұлы (16-0, 11 КО) мен франциялық Анауэль Нгамиссе (14-0, 9 КО) кездеседі.
Сонымен қатар, Maincard-та тағы екі отандасымыз – Сұлтан Заурбек (19-0, 13 КО) пен Батыржан Жүкембаев (23-1, 17 КО) түрлі деңгейдегі чемпиондық белдіктер үшін рингке шығады. Жалпы алғанда, бокс кешінде шаршы алаңға 10 жұп шығады. Оның бесеуі алдына ала бәсекелер болса, қалған бесеуі Maincard жекпе-жектері болмақ.
Алдына ала жекпе-жектерде кімдер жұдырықтасады?
Ақниет Әлімбай (2-0, 1 KO) – Йозеф Дубски (1-0, 1 KO), Чехия
Әлішер Әбдуәлім (3-0, 2 KO) – Ашиш Чаудхари (3-0, 0 KO)
Отабек Холматов (12-1, 11 KO) – Джейсон Кано Манигос (30-12-2, 20 KO)
Балауса Мұздиман (6-0, 5 KO) – Мария Тереза Пинили (7-1, 2 KO)
Төрехан Сабырхан (дебют) – Йири Хауке (4-6, 2 KO)
Maincard – Орталық жекпе-жектер
Екінші жеңіл салмақ – 55,3 кг:
Махмұд Сабырхан (дебют) – Николас Тордесилья (2-0, 2 КО), Колумбия
Бірінші жартылай орта салмақ – 63,5 кг:
Батыржан Жүкембаев (23-1, 17 КО) – Кейн Гарднер (17-4, 7 КО), Ұлыбритания
Супер ауыр салмақ – 90,7 кг жоғары:
Баходир Джалолов (14-0, 14 КО), Өзбекстан – Игорь Шевадзуцкий (12-2, 10 КО), Украина
Екінші жартылай жеңіл салмақ – 59 кг:
Сұлтан Заурбек (19-0, 13 КО) – Азинга Фузиле (18-2, 12 КО), ОАР
IBF Intercontinental титулы үшін жекпе-жек
Орта салмақ – 72,6 кг:
Жәнібек Әлімханұлы (16-0, 11 КО) – Анауэль Нгамиссен (14-0, 9 КО), Франция
IBF және WBO нұсқалары бойынша әлем чемпионы титулы үшін жекпе-жек.
Қай жұптың «жұлдызы» жоғары?
BoxRec порталы әр жекпе-жекке кездесудің маңыздылығына, қарсыластардың деңгейіне қарай кездесудің 5 жұлдыздық деңгейіне дейін бағалайды. Әдетте, аталған портал кештің басты жекпе-жегінде жұдырықтасатын боксшылардың кездесуін жоғары бағалайды. Алайда Астанадағы бокс кешінің жұлдызы көп жекпе-жек Жәнібек Әлімханұлы (16-0, 11 КО) мен Анауэль Нгамиссен (14-0, 9 КО) арасындағы емес, одан кейінгі орында тұрған Сұлтан Заурбек (19-0, 13 КО) пен Азинга Фузиле (18-2, 12 КО) кездесуіне тиесілі болып тұр. Бұл айқасты BoxRec 4 жұлдызға бағалаған. Ал Жәнібек пен Анауэль жеке-жек кездесуі небәрі үш-ақ жұлдыз алған.
Демек, бокс кешінде Жәнібектің емес, Сұлтан Заурбек айқасы тартысты болмақ. Аталған портал екі боксшының да мүмкіндігін жоғары бағалап отыр. Бәлкім BoxRec Анауэль Нгамиссенге Жәнібектің деңгейіндегі лайықты қарсылас емес екенін, кездесуде отандасымызға лайықты қарсылық көрсете алатынына сенімсіздік танытып отыр.
Сондай-ақ Батыржан Жүкембаев (23-1, 17 КО) – Кейн Гарднер (17-4, 7 КО) кездесуі – 3, Отабек Холматов (12-1, 11 KO) – Джейсон Кано Манигос (30-12-2, 20 KO) айқасы – 2 жұлдызға бағаланған.
Ал Баходир Джалолов (14-0, 14 КО) – Игорь Шевадзуцкий (12-2, 10 КО), Балауса Мұздиман (6-0, 5 KO) – Мария Тереза Пинили (7-1, 2 KO) және Әлішер Әбдуәлім (3-0, 2 KO) – Ашиш Чаудхари (3-0, 0 KO) кездесуі 1 жұлдызға ие болған.
