12 қыркүйекте Лас-Вегастағы T-Mobile аренасында Conor Benn кәсіпқой мансабындағы ең маңызды жекпе-жегін өткізеді. 29 жастағы британдық жартылай орта салмақтағы WBC чемпионы Ryan Garcia-мен кездеседі.
Бенн кәсіпқой рингтегі жалғыз жеңілісін 2025 жылдың сәуірінде Chris Eubank Jr.-дан көрді. Алайда қарашада өткен қарымта кездесуде қарсыласын төрешілердің бірауыздан шығарған шешімімен жеңді. Осы жылдың сәуірінде Бенн бұрынғы әлем чемпионы Regis Prograis-тен де сенімді басым түсіп, енді толыққанды чемпиондық титулды иеленуге мүмкіндік алды.
Жекпе-жек алдындағы басты мәселе — британдық боксшының физикалық жағдайы. Ол соңғы рет жартылай орта салмақтың 66,7 келілік лимитіне 2022 жылдың сәуірінде түскен. Одан кейін Бенн бірінші орта және орта салмақтарда өнер көрсетті. Eubank-пен болған кездесулердің алдында оның салмағы 80 келіден де асқан.
Боксшының өзі 147 фунтқа қайта оралу оңай болмай жатқанын мойындады.
«Бұл өте қиын әрі ауыр. Осы салмақтағы соңғы жекпе-жегім. Чемпиондық титулды жеңіп алғаннан кейін жоғары салмаққа көтерілемін», — деді Бенн.
Garciaмен кездесуден кейін британдық бірінші орта, орта немесе тіпті екінші орта салмаққа ауысуды жоспарлап отыр. Сондықтан Лас-Вегастағы чемпиондық айқас оның мансабындағы ең маңызды сынақ қана емес, үлкен бір кезеңнің қорытындысы болмақ.
Жеңіс Беннге алғашқы әлем чемпиондық атағын әкеліп, жартылай орта салмақтан чемпион ретінде кетуге мүмкіндік береді. Ал жеңіліс оның жоғары салмақ дәрежесінде чемпиондық жолды қайта бастауына тура келетінін білдіреді.
