Себастьян Фундора мен Бахрам Муртазалиевтен қатарынан жеңілгеннен кейін көпшілік аңызға айналған Костя Цзюдің ұлы Тим Цзюді үлкен бокстан шеттете бастады. Алайда австралиялық боксшы бұл жеңілістер өзін әлсіретпегенін, керісінше бұрынғыдан да шыңдай түскенін айтады. Оның сөзінше, бүгінде ол тәжірибесі молайған, өзін және рингтегі мүмкіндіктерін бұрынғыдан әлдеқайда жақсы түсінетін спортшыға айналған.
«Ол мансабындағы ең ауыр жекпе-жекке дайын болуы керек», – деді Цзю Эррол Спенспен өтетін кездесу туралы пікір білдіріп.
Психологиялық тартыс басталып кетті
Екі команда арасындағы текетірес боксшылар рингке шықпай тұрып-ақ қыза түсті. Тим Цзю Эррол Спенстің негізгі спарринг-серіктестерінің бірі ретінде Брайан Мендосаны таңдағанын ашық сынға алды.
Австралиялықтың пікірінше, Мендосаның жекпе-жек стилі өзінің мәнеріне мүлде ұқсамайды.
«Ол жалған сенімділікке ие болып жатыр», – деді Цзю. Оның айтуынша, америкалық қарсыласының жаттығу процесі дұрыс бағытта жүргізілмей жатыр.
Бұдан бөлек, Эррол Спенстің бірлескен медиа-шараға қатыспауы да Цзюдің назарынан тыс қалған жоқ.
«Мен оның денесінің әрбір бөлігіне соққы жасаймын. Әсіресе көздің тор қабығына», – деді Тим Цзю. Осылайша ол Теренс Кроуфордтан жеңілгеннен кейін Спенсте пайда болған көру қабілетіне қатысты мәселелерді меңзеді.
