Shields — Scott бокс кешінің қызықты қатысушыларының бірі — жеңіліп көрмеген америкалық орта салмақ боксшысы Troy Isley. Атлантада ол Joseph Hicks-пен кездеседі.
Тройдың әуесқой бокстағы тәжірибесі мол. 2017 жылғы әлем чемпионатында ол кәсіпқой бокстың болашақ әлем чемпионы Исраил Мадримовты жеңді. Ал жартылай финалда украиналық Олександр Хижнякқа есе жіберіп, қола жүлдеге ие болды. Сонымен қатар америкалық боксшы Панамерика ойындарының қола жүлдесін жеңіп алып, TOKYO-2020 Олимпиадасына қатысты.
Isley мен Hicks арасындағы бәсеке әуесқой бокста басталған. АҚШ-та өткен Олимпиада іріктеуінде Joseph Тройды жеңді. Алайда жарысқа іріктеу жүйесіндегі өзгерістерге байланысты Токио Олимпиадасына Isley аттанды. Енді олар кәсіпқой рингте кім мықты екенін анықтайды.
Troy кәсіпқой бокста әлі жеңілген жоқ — 16-0-0 (6 КО). Ол аса қуатты панчер саналмайды, бірақ джебті жақсы қолданады, арақашықтықты сауатты бақылайды және жекпе-жек қарқынын өзгерте алады.
Hicks бұл кездесуге 12-1-0 (7 КО) көрсеткішімен шығады. Оның бойы қарсыласынан ұзын әрі соққысы қуатты. Дегенмен ол кәсіпқой рингте бір рет жеңілген.
Бұл жекпе-жек Тройға әуесқой бокстағы ескі есепті қайтарып, орта салмақтағы үздіктерге жақындауға мүмкіндік береді. Егер жеңісті жолын жалғастырса, америкалық боксшы қазақстандық кәсіпқой Meiirim Nursultanov-тың болашақ қарсыластарының біріне айналуы мүмкін.
